(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.173. అధ్యాయః 173
Mahabharata - Shanti Parva - Chapter Topics
భీష్మేణ యుధిష్ఠిరంప్రతి విప్రసేనజిత్సంవాదానువాదః॥ 1॥ విప్రేణ సేనజితంప్రతి పింగలోపాఖ్యానకథనం॥ 2॥
Mahabharata - Shanti Parva - Chapter Text

యుధిష్ఠిర ఉవాచ। 12-173-0x(5875)(71893)
ధర్మాః పితామహేనోక్తా రాజధర్మాశ్రితాః శుభాః।
ధర్మమాశ్రమిణాం శ్రేష్ఠం వక్తుమర్హసి సత్తమ॥ 12-173-1(71894)
భీష్మ ఉవాచ। 12-173-2x(5876)
సర్వత్ర విహితో ధర్మః స్వర్గ్యః సత్యఫలోదయః।
బహుద్వారస్య ధర్మస్య నేహాస్తి విఫలా క్రియా॥ 12-173-2(71895)
యస్మిన్యస్మింస్తు విషయే యోయో యాతి వినిశ్చయం।
స తమేవాభిజానాతి నాన్యం భరతసత్తం॥ 12-173-3(71896)
యథాయథా చ పర్యేతి లోకతంత్రమసారవత్।
తథాతథా విరాగోఽత్ర జాయతే నాత్ర సంశయః॥ 12-173-4(71897)
ఏవం వ్యవసితే లోకే బహుదోషే యుధిష్ఠిర।
ఆత్మమోక్షనిమిత్తం వై యతేత మతిమాన్నరః॥ 12-173-5(71898)
యుధిష్ఠిర ఉవాచ। 12-173-6x(5877)
నష్టే ధనే వా దారే వా పుత్రే పితరి వా మృతే।
యయా బుద్ధ్యా నుదేచ్ఛోక తన్మే బ్రూహి పితామహ॥ 12-173-6(71899)
భీష్మ ఉవాచ। 12-173-7x(5878)
నష్టే ధనే వా దారే వా పుత్రే పితరి వా మృతే।
అహోదుఃఖమితి ధ్యాయఞ్శోకస్యాపచితిం చరేత్॥ 12-173-7(71900)
అత్రాప్యుదాహరంతీమమిహాసం పురాతనం।
యథా సేనజితం విప్రః కశ్చిదేత్యాబ్రవీత్సుహృత్॥ 12-173-8(71901)
పుత్రశోకాభిసంతప్తం రాజానం శోకవిహ్వలం।
విషణ్ణమనసం దృష్ట్వా విప్రో వచనమబ్రవీత్॥ 12-173-9(71902)
కింను ముహ్యసి మూఢస్త్వం శోచ్యః కిమను శోచసి।
యదా త్వామపి శోచంతః శోచ్యా యాస్యంతి తాం గాతిం॥ 12-173-10(71903)
త్వం చైవాహం చ యే చాన్యే త్వాం రాజన్పర్యుపాసతే।
సర్వే తత్ర గమిష్యామో యత ఏవాగతా వయం॥ 12-173-11(71904)
సేనజిదువాచ। 12-173-12x(5879)
కా బుద్ధిః కిం తపో విప్ర కః సమాధిస్తపోధన।
కిం జ్ఞానం కిం శ్రుతం వా తే యత్ప్రాప్య న విషీదసి॥ 12-173-12(71905)
బ్రాహ్మణ ఉవాచ। 12-173-13x(5880)
హృష్యంతమవసీదంతం సుఖదుఃఖవిపర్యయే।
ఆత్మానమనుశోచామి యో మమైష హృది స్థితః॥ 12-173-13(71906)
పశ్య భూతాని దుఃఖేన వ్యతిషిక్తాని సర్వశః।
ఉత్తమాధమమధ్యాని తేషు తేష్విహ కర్మసు॥ 12-173-14(71907)
ఆత్మాఽపి చాయం న మమ సర్వా వా పృథివీ మమ।
యథా మమ తథాఽన్యేషామితి మత్వా న మే వ్యథా।
ఏతాం బుద్ధిమహం ప్రాప్య న ప్రహృష్యే న చ వ్యథే॥ 12-173-15(71908)
యథా కాష్ఠం చ కాష్ఠం చ సమేయాతాం మహోదధౌ।
సమేత్య చ వ్యపేయాతాం తద్వద్భూతసమాగమః॥ 12-173-16(71909)
ఏవం పుత్రాశ్చ పౌత్రాశ్చ జ్ఞాతయో బాంధవాస్తథా।
తేషు స్నేహో న కర్తవ్యో విప్రయోగో ధ్రువో హి తైః॥ 12-173-17(71910)
అదర్శనాదాపతితః పునశ్చాదర్శనం గతః।
న త్వాఽసౌ వేద న త్వంతం కస్మాత్త్వమనుశోచసి॥ 12-173-18(71911)
సుఖాంతప్రభవం దుఃఖం దుఃఖాంతప్రభవం సుఖం।
సుఖాత్సంజాయతే దుఃఖం దుఃఖాత్సంజాయతే సుఖం॥ 12-173-19(71912)
సుఖస్యానంతరం దుఃఖం దుఃఖస్యానంతరం సుఖం।
సుఖదుఃఖే మనుష్యాణాం చక్రవత్పరివర్తతః॥ 12-173-20(71913)
సుఖాత్త్వం దుఃఖమాపన్నః పునరాపత్స్యసే సుఖం।
న నిత్యం లభతే దుఃఖం న నిత్యం లభతే సుఖం॥ 12-173-21(71914)
[శరీరమేవాయతనం సుఖస్య
దుఃఖస్య చాప్యాయతనం శరీరం।
యద్యచ్ఛరీరేణ కరోతి కర్మ
తేనైవ దేహీ సముపాశ్నుతే తత్॥ 12-173-22(71915)
జీవితం చ శరీరేణ తేనైవ సహ జాయతే।
ఉభే సహ వివర్తేతే ఉభే సహ వినశ్యతః॥ 12-173-23(71916)
స్నేహపాశైర్బహువిధైరావిష్టవిషయా జనాః।
అకృతార్థాశ్చ సీదంతే జలైః సైకతసేతవః॥ 12-173-24(71917)
స్నేహేన తైలవత్సర్వం సర్గచక్రే నిపీడ్యతే।
తిలపీడైరివాక్రంయ క్లేశైరజ్ఞానసంభవైః॥ 12-173-25(71918)
సంచినోత్యశుభం కర్మ కలత్రాపేక్షయా నరః।
ఏకః క్లేశానవాప్నోతి పరత్రేహ చ మానవః॥ 12-173-26(71919)
పుత్రదారకుటుంబేషు ప్రసక్తాః సర్వమానవాః।
శోకపంకార్ణవే మగ్నా జీర్ణా వనగజా ఇవ॥ 12-173-27(71920)
పుత్రనాశే విత్తనాశే జ్ఞాతిసంబంధినామపి।
ప్రాప్యతే సుమహద్దుఃఖం దావాగ్నిప్రతిమం విభో।
దైవాయత్తమిదం సర్వం సుఖదుఃఖే భవాభవౌ॥ 12-173-28(71921)
అసుహృత్ససుహృచ్చాపి సశత్రుర్మిత్రవానపి।
సప్రజ్ఞః ప్రజ్ఞయా హీనో దైవేన లభతే సుఖం॥] 12-173-29(71922)
నాలం సుఖాయ సుహృదో నాలం దుఃఖాయ దుర్హృదః।
న చ ప్రజ్ఞాఽలమర్థానాం న సుఖానామలం ధనం॥ 12-173-30(71923)
న బుద్ధిర్ధనలాభాయ న మౌఢ్యమసమృద్ధ్యే।
లోకపర్యాయవృత్తాంతం ప్రాజ్ఞో జానాతి నేతరః॥ 12-173-31(71924)
బుద్ధిమంతం చ శూరం చ మూఢం భీరుం జడం కవిం।
దుర్బలం బలవంతం చ భాగినం భజతే సుఖం॥ 12-173-32(71925)
ధేనుర్వత్సస్య గోపస్య స్వామినస్తస్కరస్య చ।
పయః పిబతి యస్తస్యా ధేనుస్తస్యేతి నిశ్చయః॥ 12-173-33(71926)
యే చ మూఢతమా లోకే యే చ బుద్ధేః పరం గతాః।
తే నరాః సుఖమేధంతే క్లిశ్యత్యంతరితో జనః॥ 12-173-34(71927)
అంతేషు రేమిరే ధీరా న తే మధ్యేషు రేమిరే।
అంతప్రాప్తిం సుఖం ప్రాహుర్దుఃఖమంతరమంతయోః॥ 12-173-35(71928)
సుఖం స్వపితి దుర్మేధాః స్వాని కర్మాణ్యచింతయన్।
అవిజ్ఞానేన మహతా కంబలేనేవ సంవృతః॥ 12-173-36(71929)
యే చ బుద్ధిం పరాం ప్రాప్తా ద్వంద్వాతీతా విమత్సరాః।
తాన్నైవార్థా న చానర్థా వ్యథయంతి కదాచన॥ 12-173-37(71930)
అథ యే బుద్ధిమప్రాప్తా వ్యతిక్రాంతాశ్చ మూఢతాం।
తేఽతివేలం ప్రహృష్యంతి సంతాపముపయాంతి చ॥ 12-173-38(71931)
నిత్యం ప్రముదితా మూఢా దివి దేవగణా ఇవ।
అవలేపేన మహతా పరితృప్తా విచేతసః॥ 12-173-39(71932)
సుఖం దుఃఖాంతమాలస్యం దుఃఖం దాక్ష్యం సుఖోదయం।
భూతిశ్చైవ శ్రియా సార్ధం దక్షే వసతి నాలసే॥ 12-173-40(71933)
సుఖం వా యది వా దుఃఖం ప్రియం వా యది వాఽప్రియం।
ప్రాప్తం ప్రాప్తముపాసీత హృదయేనాపరాజితః॥ 12-173-41(71934)
శోకస్థానసహస్రాణి భయస్థానశతాని చ।
దివసేదివసే మూఢమావిశంతి న పండితం॥ 12-173-42(71935)
బుద్ధిమంతం కృతప్రజ్ఞం శుశ్రూషుమనహంకృతం।
శాంతం జితేంద్రియం చాపి శోకో న స్పృశతే నరం॥ 12-173-43(71936)
ఏతాం బుద్ధిం సమాస్థాయ శుద్ధచిత్తశ్చరేద్బుధః।
`శుక్లకృష్ణగతిజ్ఞం తం దేవాసురవినిర్గమం।'
ఉదయాస్తమయజ్ఞం హి న శోకః స్ప్రష్టుమర్హతి॥ 12-173-44(71937)
యన్నిమత్తో భవేచ్ఛోకస్రాసో వా క్రోధ ఏవ వా।
ఆయాసో వా యతో మూలం తదేకాంగమపి త్యజేత్॥ 12-173-45(71938)
యద్యత్త్యజతి కామనాం తత్సుఖస్యాభిపూర్యతే।
కామానుసారీ పురుషః కామాననువినశ్యతి॥ 12-173-46(71939)
యచ్చ కామసుఖం లోకే యచ్చ దివ్యం మహత్సుఖం।
తృష్ణాక్షయసుఖస్యైతే నార్హతః షోడశీం కలాం॥ 12-173-47(71940)
పూర్వదేహకృతం కర్మ శుభం వా యది వాఽశుభం।
ప్రాజ్ఞం మూఢం తథా శూరం భజతే తాదృశం నరం॥ 12-173-48(71941)
ఏవమవ కిలైతాని ప్రియాణ్యేవాప్రియాణి చ।
జీవేషు పరివర్తంతే దుఃఖాని చ సుఖాని చ॥ 12-173-49(71942)
ఏతాం బుద్ధిం సమాస్థాయ నావసీదేద్గుణాన్వితః।
సర్వాన్కామాంజుగుప్సేన కోపం కుర్వీత పృష్ఠతః॥ 12-173-50(71943)
వృత్త ఏవ హృది ప్రౌఢో మృత్యురేప మనోభవః।
క్రోధో నామ శరీరస్థో దేహినాం ప్రోచ్యతే బుధైః॥ 12-173-51(71944)
యదా సంహరతే కామాన్కూర్మోఽంగానీవ సర్వశః।
తదాత్మజ్యోతిరాత్మశ్రీరాత్మన్యేవ ప్రసీదతి॥ 12-173-52(71945)
కించిదేవ మమత్వేన యదా భవతి కల్పితం।
తదేవ పరితాపాయ నాశే సంపద్యతే తదా॥ 12-173-53(71946)
న బిభేతి యదా చాయం యదా చాస్మాన్న విభ్యతి।
యదా నేచ్ఛతి న ద్వేష్టి బ్రహ్మ సంపద్యతే తదా॥ 12-173-54(71947)
ఉభే సత్యానృతే త్యక్త్వా శోకానందౌ భయాభయే।
ప్రియాప్రియే పరిత్యజ్య ప్రశాంతాత్మా భవిష్యతి॥ 12-173-55(71948)
యదా న కురుతే ధీరః సర్వభూతేషు పాపకం।
కర్మణా మనసా వాచా బ్రహ్మ సంపద్యతే తదా॥ 12-173-56(71949)
యా దుస్త్యజా దుర్మతిభిర్యా న జీర్యతి జీర్యతః।
యోసౌ ప్రాణాంతికో రోగస్తాం తృష్ణాం త్యజతః సుఖం॥ 12-173-57(71950)
అత్ర పింగలయా గీతా గాథా శృణు నరాధిప।
యథా సా కృచ్ఛ్రకాలేఽపి లేభే శర్మ సనాతనం॥ 12-173-58(71951)
సంకేతే పింగలా వేశ్యా కాంతేనాసీద్వినాకృతా।
అథ కృచ్ఛ్రగతా శాంతాం బుద్ధిమాస్థాపయత్తదా॥ 12-173-59(71952)
పింగలోవాచ। 12-173-60x(5881)
ఉన్మత్తాఽహమనున్మత్తం కాంతమన్వవసం చిరం।
అంతికే రమణం సంతం నైనమధ్యగమం పురా॥ 12-173-60(71953)
ఏకస్థూణం నవద్వారమపిధాస్యాంయగారకం।
కా హ్యకాంతమిహాయాంతం కాంత ఇత్యభిమంస్యతే॥ 12-173-61(71954)
అకామాః కామరూపేణ ధూర్తాశ్చ నరరూపిణః।
న పునర్వంచయిష్యంతి ప్రతిబుద్ధాఽస్మి జాగృమి॥ 12-173-62(71955)
అనర్థోఽపి భవత్యర్థో దైవాత్పూర్వకృతేన వా।
సంబుద్ధాఽహం నిరాకారా నాహమద్యాజితేంద్రియా॥ 12-173-63(71956)
సుఖం నిరాశః స్వపితి నైరాశ్యం పరమం సుఖం।
ఆశామనాశాం కృత్వా హి సుఖం స్వపితి పింగలా॥ 12-173-64(71957)
భీష్మ ఉవాచ। 12-173-65x(5882)
ఏతైశ్చాన్యైశ్చ విప్రస్య హేతుమద్భిః ప్రభాషితైః।
పర్యవస్థాపితో రాజా సేనజిన్ముముదే సుఖం॥ ॥ 12-173-65(71958)

ఇతి శ్రీమన్మహాభారతే శాంతిపర్వణి ఆపద్ధర్మపర్వణి త్రిసప్తత్యధికశతతమోఽధ్యాయః॥ 173॥

Mahabharata - Shanti Parva - Chapter Footnotes

12-173-1 రాజనియోగాద్ధర్మప్రవృత్తేః రాజధర్మాశ్రితాః। శ్రేష్ఠః ప్రశస్యతమోమోక్షధర్మస్తాం। ఆశ్రమిణామిత్యుక్తేర్గృహస్థాదీనాం సర్వేషామప్యత్రాధికారో దర్శితః॥ 12-173-2 మోక్షధర్మస్యోత్తమత్వం వక్తుమితరధర్మస్య నికృష్టత్వమాహ। సర్వత్రేతి। సర్వత్రాశ్రమేషు ధర్మో విహితో వేదేనాఽగ్నిహోత్రం జుహుయాస్త్వర్గకామ ఇత్యాదినా। స్వర్గ్యః స్వర్గఫలసాధనం। సత్యఫలోదయః అవశ్యంభావిఫలోదయః। బహుద్వారస్య యజ్ఞదానాద్యనేకోపాయస్య। క్రియా అనుష్ఠానం॥ 12-173-3 యస్మిన్విషయే స్వర్గాదిఫలే వినిశ్చయం యాతి ఇదం ఫలం సద్యః ప్రాప్యమిత్యభిసంధత్తే స తత్సాధనముపాదత్తే న ఫలాంతరసాధనమిత్యర్థః॥ 12-173-4 పర్యేతి జానాతి లోకతంత్రం అనోపకరణం ధనదారాదికం। అత్ర లోకే అసారం తృణాది తద్వత్తచ్ఛం॥ 12-173-5 వ్యవసితే నిశ్చితే। లోకే స్థావరాదిసత్యలోకపర్యంతే। బహుదోషే ఐశ్వర్యతారతంయక్షయిష్ణుత్వాదిదోషబహులే। దోషదర్శననిశ్చయే వైరాగ్యే సతీత్యర్థః॥ 12-173-6 తన్మే తాం మే॥ 12-173-7 అపచితిం ప్రతీకారం॥ 12-173-9 సంతాపోఽంతర్బహిర్దాహః। విహ్వలత్వం బాహ్యేంద్రియచలనశూన్యత్వం। విషణ్ణం మూఢం మనో యస్య। వివర్ణవదనం దృష్ట్వేతి ట. పాఠః॥ 12-173-10 మూఢాః సర్వేఽపి శోచ్యాః శోకాక్రాంతాశ్చేత్యతో నిఃశోకం పదమన్వేష్టవ్యమిత్యర్థః॥ 12-173-12 బుద్ధిరుపపత్తిః। తపస్తదాలోచనం। సమాధిర్బుద్ధేరేకత్ర పర్యవసానం। జ్ఞానం సాక్షాత్కారః। శ్రుతమేవేష్వర్థేషు ప్రమాణం॥ 12-173-14 తత్ర బుద్ధిమాహం సార్ధద్వయేన పశ్యేతి। వ్యతిషిక్తాని వ్యాప్తాన్యుత్తమాధమమధ్యాని దేవతిర్థఙ్భనుష్యాదీని। కర్మసు నిమిత్తభూతేషు॥ 12-173-15 ఏవం కర్మజం దుఃఖం దేవాదీనామప్యస్తీతి దృశ్యమానభూతదృష్టాంతేనోపపాద్య తన్నివృత్తావప్యుపపత్తిమాహ ఆత్మేతి॥ 12-173-16 తప ఆహ యథేత్యాదినా। భూతైః సమాగమః ఆత్మనో దేహయోగ ఇత్యర్థః॥ 12-173-17 తపఃఫలమాహ ఏవమితి॥ 12-173-18 కః సన్ కిమనుశోచసి ఇతి ఝ. పాఠః॥ 12-173-25 స్నేహేన నిమిత్తేన తిలపీడైస్తైలికైః॥ 12-173-26 అశుభం చౌర్యాది। కలత్రాపేక్షయా భార్యాదిపోషణార్థం ధనసుఖభాగినః సర్వే పాపఫలభాగీ త్వేక ఏవాయమిత్యర్థః॥ 12-173-28 భవాభవౌ ఐశ్వర్యానైశ్వర్యే॥ 12-173-29 సుహృత్ప్రత్యుపకారమనపేక్ష్యోపకారకర్తా। మిత్రం ప్రత్యుపకారమపేక్ష్యో పకారకర్తృ॥ 12-173-30 సుఖాయ సుఖం దాతుం నాలం న పర్యాప్తాః॥ 12-173-31 అసమృద్ధయే ధనాదినాశాయ। లోకో భోగ్యప్రపంచస్తస్య పర్యాయో నిర్మాణం తత్ర విషయే వృత్తాంతం సిద్ధాంతం। ప్రాజ్ఞస్తత్త్వవిత్॥ 12-173-32 మూఢం నిర్బుద్ధిం। జడమలసం। కవిం దీర్ఘదర్శినం। భాగినం సదైవం। భజతే స్వయమేవోపనమతే। నతు తదర్థం యత్నోఽపేక్ష్య ఇత్యర్థః॥ 12-173-33 పయఃపాతురేవ ధేనురితరేషాం తు తత్ర మమతా వ్యర్థా। తస్మాదావశ్యకాదధికే స్పృహా న కార్యేత్యర్థః॥ 12-173-35 ధీరాః పండితాః అంతేషు అంతయోః ధర్మమోక్షయోః। వ్యత్యయో బహులమితి చ వ్యత్యయః। మధ్యేషు మధ్యయోః అర్థకామయోః। అంతప్రాప్తిం ధర్మమోక్షప్రాప్తిం మోక్షస్య సుఖరూపత్వాద్ధర్మస్య సుఖహేతుత్వాత్ సుఖం ప్రాహుః। అంతయోర్ధర్మమోక్షయోరంతరం మధ్యం అర్థకామం దుఃఖం ప్రాహురిత్యర్థః॥ 12-173-37 ద్వంద్వాతీతాః సుఖదుఃఖాద్యతీతాః। మత్సరః పరోత్కర్షాసహిష్ణుత్వం తద్వర్జితాః। అర్థాః ఖ్యాదయః। అనర్థాస్తద్వియోగాః॥ 12-173-38 అతివేలమత్యంతం॥ 12-173-39 పరివృద్ధా విచేతస ఇతి ధ. పాఠః॥ 12-173-40 ఆలస్యం జ్ఞానసాధనేష్వప్రవృత్తిః। దుఃఖం దుఃఖకరం। భూతిరణిమాద్యైశ్వర్యం। శ్రియా విద్యయా। సుఖం దుఃఖాంతమాలక్ష్యేతి ఝ. పాఠః॥ 12-173-41 సుఖదుఃఖసాధనే ప్రియాప్రియే। హృదయేన హర్షశోకమయేనాఽపరాజితోఽవశీకృతః॥ 12-173-42 శోకమూలానీష్టవియోగాదీని। భయమూలాన్యనిష్టసంయోగాదీని। ఆవిశంతి స్వకార్యోత్పాదనేన వ్యాప్నువంతి॥ 12-173-43 బుద్ధిర్గ్రంథధారణసామర్థ్యం తద్వంతం। కృతా స్వతఃసిద్ధా ప్రజ్ఞా ఊహాపోహకౌశలం యస్య తం। శుశ్రూషుం శాస్త్రాంయాసపరం। శుశ్రూషమనసూయకమితి ఝ. పాఠః। తత్ర అనసూయకం శాస్త్రీయేఽర్థే దోషదృష్టిరసూయా తద్రహితమిత్యర్థః॥ 12-173-44 శుక్లం సత్వం కృష్ణం తమస్తాభ్యాం ప్రాప్యే గతీ ప్రకాశావరణకార్యే ముక్తిసంసారాఖ్యే తజ్జ్ఞం। దేవా దానదయాదిరూపాః సాత్విక్యశ్చేతోవృత్తయః। అసురా రాజస్యస్తామస్యో లోభమోహాద్యాస్తా ఏవ తాసాముభయీనామపి విశేషేణ నిర్గమో బహిర్భావో యస్యాత్తం ఉదయా స్తమయజ్ఞం దేహినాం జన్మవినాశజ్ఞం॥ 12-173-45 యత ఆయాసస్తన్మూలం కారణమాయాసాదేరేకాంగం శరీరైకదేశభూతమపి త్యజేత్ కిముత ధనదారాది॥ 12-173-46 కామానాం విషయాణాం మధ్యే॥ 12-173-47 లోకే మానుషే। దివ్యం స్వర్గభవం। తృష్ణాక్షయో వైరాగ్యం॥ 12-173-48 కర్తారమజితం కర్మ శుభం వా యది వాఽశుభమితి డ. పుస్తకపాఠ॥ 12-173-56 పాపకం హింసనం॥ 12-173-58 కృచ్ఛ్రకాలే దుఃఖకాలే। లేభే ధర్మం సనాతనమితి ఘ. పాఠః। బ్రహ్మ సనాతనమితి డ. పాఠః॥ 12-173-59 ఆస్థాపయత్ వ్యవస్థాపితవతీ॥ 12-173-60 అంతికే హృదయకోశే రమణమానందప్రదం॥ 12-173-61 ఏకస్థూణం ఏకాత్మాధారం అగారం శరీరాఖ్యం॥ 12-173-62 జాగృమి జాగర్మి॥ 12-173-65 పర్వవస్థాపిత ఆత్మతత్త్వే నిష్ఠాం ప్రాపితః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.